vanckelick voerden, maeckten sy haer altsamen klaer, om aen boort te komen, want meynden door dat de onsen des nachts ophielden van schieten, dat haer kruyt op was, oock hadden sy des daechs te voren gheseydt, doen sy d'onsen ghewaer wieden, dat is voorseker het Schip van Massilipatan, het heeft maer 20 man op, couragie, laet ons hem gaen nemen, dan doen sy sagen dat soo stout waeren, hem soo naer te komen, ende hem aen te rennen, lieten den moet vallen, ende hielen dragen, als hier vooren gesyt is, nu siende dat hy op dat schieten noch weynich pasten, ende dat hy weder schoot, als hy haer beraecken konde, hebben hem soo dicht ingheloopen, dat sijse hoorde spreecken, ende hem alsoo tot 3 ofte 4 charsen ingheleyt, hy siende dat hem op sijde niet en quamen, borchten een groote metale bassen achter in hare cajuit, menende haer daer mede op sijde te doen komen, dan suler gewaer wordende, gijden de onse haer blinde op, ende maeckten hem daer achter soo banghe, met haer Boechstucken, datter niemant ontrent dorst komen omse af te schieten; treffende hem soo wel, dat de spaanderen tot aen de Mars vlogen, oock sijne zeylen, ende Want soo door naeyende, dat het wonder was den Wint het niet stucken en woey. Des niet teghenstaende heeft hy het al obstinaet laten voorts staen, dies hem weder soo dicht inliepen als moghelijck was, om hem niet aen boort te komen, hebben hem begonnen onder water in te schieten, met dese charge reackten de onsen over staech, soo dat zy hem op zijde komende, hy haer 3 ofte 4 schoten door hare zeylen schoot, doch leyden hem haere achter stucken in, alsoo het Schip naer hem toeswaeyden, ende voorts de andere Lage, die hy noch niet ghehadt en hadde, soodat hy alsdoen een charge van 18 stucken kreeght, waer mede sijn groote Stenge stucken raeckte, ende het Marszeyl neder liep, als doen raeckte